Muzeu Kombëtar
“Gjergj Kastriot Skënderbeu”

Historia e Muzeut

Muzeu Kombëtar
“Gjergj Kastriot Skënderbeu”

Muzeu Kombëtar “Gjergj Kastrioti Skënderbeu” e merr emrin nga heroi kombëtar i Shqipërisë i cili kryesoi një rezistencë të guximshme kundër Osmanëve në vitet 1443-1468. Kryeqendra e kësaj rezistence ishte Kruja, një qytet i cili zprapsi tre rrethime të Osmanëve falë udhëheqjes së shkëlqyer të Gjergj Kastriotit. Nga kalaja e Krujës tashmë kane mbetur vetëm pjesë nga muri rrethues mbrojtës, një kullë sahati, rrënojat e një kishe dhe ato të ndërtimeve më të vonshme Osmane. Muzeu Kombëtar gjendet brenda këtij kompleksi arkeologjik, më shumë se 500 metra mbi nivelin e detit.

Muzeu Kombëtar “Gjergj Kastrioti Skënderbeu” në Krujë u hap më 1982 pas një bashkëpunimi të suksesshëm të arkitektëve Shqiptarë të kryesuar nga Pirro Vaso dhe Pranvera Hoxha. Muzeu është konceptuar kryesisht si një tribut për Gjergj Kastriot Skëndërbeun, figura historike më e famshme e Shqipërisë dhe Shqiptarëve. Ky muze është një nga më të vizituarit në shtetin Shqiptar. Ekipe të kryesuar nga historiani i njohur Shqiptar Kristo Frashëri dhe piktori Shqiptar Bashkim Ahmeti gjithashtu kanë ofruar një kontribut të vyer në krijimin e këtij projekti të rëndësishëm. Meqë Gjergj Kastriot Skënderbeu jetoi gjatë kohës së Mesjetës, arkitektura e përgjithshme dhe kompozicioni i muzeut i përgjan një ambienti të një kështjelle Mesjetare të zbukuruar më punime artistike tipike të stilit Mesjetar. Afreske të pikturuar në stilin Bizantin mbulojnë pjesët e brëndshme të mureve të këtij muzeu.

Pikat Kryesore

Që në hyrje të muzeut, vizitorëve u shfaqet një grup skulptural madhështor e cila ilustron Gjergj Kastriotin bashkë me ndjekësit dhe ushtarët e tij në një qëndrim beteje, të pajisur me shpata, mburoja, dhe pajisje mbrojtëse të tjera trupore.

Kjo skulpturë transmeton detaje nga lëvizje anti-Osmane e Shqiptarëve gjatë shekullit të XV-të dhe i vë tonin vazhdimësisë së turit në muze. Vizitorët mund të përshkruajnë më pas pavjone dhe seksione të ndryshme, secili me temën përkatëse historike në një rend kronologjik; nga kohët Ilire deri në epokën e principatave Mesjetare Shqiptare dhe në atë të Gjergj Kastriot Skënderbeut. Midis objekteve të ekspozuara dallohen ato origjinale prej qeramike, bronzi, dhe bakri, ikona dhe shpata të kohërave Mesjetare, një kambanë tepër interesante që daton që më 1462, riprodhime të statuteve dhe dokumenteve të vjetër, e kështu me rradhë.

Një tjetër pikë kulmore është afresku fantastik “Përballimi”, një punim i artistit dhe piktorit Shqiptar të talentuar Naxhi Bakalli. Muralja, e cila mbulon tërësisht një krah të seksionit ku ndodhet, shpalos një skenë epike beteje mes luftëtarëve Shqiptarë të kryesuar nga Gjergj Kastrioti dhe Osmanëve pushtues. Kjo kryevepër e Bakallit ka mahnitur si vizitorët ashtu edhe kritikët e artit si një mënyrë fantastike për të pasqyruar qendresën heroike 25 vjeçare nën udhëheqjen e Gjergj Kastrioti Skënderbeut.

Ka shumë kthesa interesante përgjatë Muzeut Kombëtar Gjergj Kastrioti Skënderbeu. Ky muze ka mahnitur turistë si nga brenda ashtu dhe jashtë vendit. Të gjithë grupet e vizitorëve, edhe të huajt, mund të mësojnë rreth historikut të objekteve dhe punimeve artistike të ekspozuara nga ciceronët e muzeut.

Orari i museut

09.00 -18.00 (çdo ditë)

Kategoritë dhe çmimet e biletave në sportel*

• Biletë për turistët vendas dhe të huaj	500 lekë
• Biletë grup +12	400 lekë
• Biletë e reduktuar -50%	250 lekë
• Biletë për fëmijë 12-18 vjeç dhe studentë	150 lekë
• Biletë femijë 0-12 vjeç	Hyrja falas

Mirë se vini në Muzetë e Krujës

Orari i Muzeut

Muzeu Kombëtar
“Gjergj Kastriot Skënderbeu”

Historia e Muzeut